زانکۆی کامبریج لە بەریتانیا. وێنە:لاپەڕەی زانکۆی کامریج
خوێندکارانی هەرێم دەتوانن داواکاری پێشکەش بکەن
زانکۆی کامبریج زەمالەی خوێندنی ماستەر و دکتۆرای راگەیاند
964+
فەهمی نەبی
زانکۆی کامبریجی بەریتانی 80 زەمالەی خوێندنی دکتۆرا و ماستەر بۆ خوێندکارانی دەرەوەی بەریتانیا راگەیاند.
ئەو پرۆگرامەی زانکۆی کامبریج رایگەیاندووە، ناوی Gates Scholarships کەسی سەرکەوتوو هەموو تێچووی خوێندنەکەی لەلایەن زانکۆکە دابیندەکرێت، کە بۆهەر ساڵێک 20 هەزار پاوەندە.
وا بڕیارە خوێندنەکە مانگی 9ی ساڵی 2024 دەستپێبکات، هەموو خوێندکارێک کە زانکۆی تەواو کردبێت و مەرجەکانی زانکۆی کامبریجی تێدابێت دەتوانێت فۆرمەکە پڕ بکاتەوە و بچێتە ناو کێبڕکێ.
وادەی پێشکەشکردن لە 4.9.2023 تاوەکو 4.1.2024 بەردەست دەبێت لەڕێگەی ئەم لینکەوە.
زانکۆی کامبریج بۆ هەر خوێندکارێکی سەرکەوتوو، تێچووی ڤیزا و کرێی یەکجار هاتووچۆ لە ساڵێکدا، تێچووی هەموو کرێی خوێندنەکە، تێچووی زەمانی تەندروستی و دەرماڵەی توێژینەوەی بۆ ئامادە دەکات.