پێشمەرگەی سلێمانی دیالەی تێپەڕاند

+964
یادگار محەمەد – سلێمانی

تیپی تۆپی پێ ی لاوانی یانەی پێشمەرگە بە ئەنجامی دوو گۆڵ بەرامبەربە گۆڵێک شکستی بە دیالە هێنا.
لە گەڕی شەشەمی خولی تۆپی پێ ی لاوانی یانە پلە یەکەکانی عێراق، یانەی پێشمەرگەی سلێمانی لەسەر یاریگەی خۆیدا میوانداریی دیالەی کرد.
هەرچەندە رۆژێک پێشتر لاوانی پێشمەرگە لە خولی کوردستان و لە یارییەکی بەهێزدا، سەرکەوتنی بەسەر سیروانی نوێدا تۆمار کردبوو، لەم یارییەشدا یاریزانانی یانەکەی شاری سلێمانی ئاستێکی بەرزیان پیشان دا و بە ئەنجامی 2-1 گۆڵ یارییەکەیان بردەوە.

گۆڵەکانی پێشمەرگە لەلایەن خۆژی شکور لە خولەکەکانی 12 و 25 ەوە تۆمارکران و تاکە گۆڵی دیالەش هێڤار ئەمین، یاریزانی پێشمەرگە بە هەڵە لە خولەکی 45 لە خۆیانی تۆمار کرد.

بەم سەرکەوتنە یانەی پێشمەرگەی سلێمانی چوارەم بردنەوەی لە خولەکە نووسییەوە و بە کۆی 13 خاڵ پارێزگاری لە یەکەمی ریزبەندی کۆمەڵەکەی کرد.

پێداچوونەوە: ئەرسەلان عەبدوڵا