کەی ئۆتۆمبێلی مۆدێل 2024 تۆمار دەکرێت؟

964+
ژووری هەواڵ

بۆ ئەوانەی بەشوێن وەڵامی ئەو پرسیارەن کە ئایا کەی ئۆتۆمبێلی مۆدێل 2024 تۆمار دەکرێت؟ وتەبێژی هاتوچۆی هەولێر دەڵێت، لە 1ـی ئەیلوولەوە ئەو پرۆسەیە دەستپێدەکات.

فازڵ حاجی وتەبێژی هاتوچۆی هەولێر بە 964ـی وت، هەرکەسێک ئۆتۆمبێلی مۆدێل 2024 بکڕێت دەبێت تاوەکو 60 رۆژ بەناوی خۆیەوە تۆماری بکات.

964 پرسیاری لێکرد ئایا ئەگەر تاوەکو 60 رۆژ هاوڵاتی ئۆتۆمبێلەکە نەکات بەناوی خۆیەوە سزا دەدرێت، لە وەڵامدا فازڵ حاجی وتی نەخێر، بەڵام ئەگەر زۆر بچێت بەسەریدا ئەوا لیژنەی لەسەر پێکدەهێندرێت و لیژنەکە بڕیاردەدات لەسەر ئەوەی سزای بدات یان نا.

هەموو ساڵێک کۆمپانیاکان دەتوانن لە 1ـی حوزەیرانەوە ئۆتۆمبێلی نوێ هاوردە بکەن و هاتوچۆش لە 1ـی ئەیلوولەوە دەیکات بە ناوی کڕیارەکانیانەوە.