هێشتا بەشێک لە خانووە رووخاوەکانی دوزخورماتوو نۆژەن نەکراونەتەوە

964+
سیروان خورشید

دوای شەش ساڵ لە رووداوەکانی ساڵی 2017 و ئاوارەبوونی هەزاران کەس لەو شار و دێهاتانەی دەکەونە سەر هێڵی مادەی 140ـی دەستوور، هێشتا ژمارەیەکی زۆری هاوڵاتیان قەرەبوو نەکراونەتەوە بۆ ئەو زیانانەی بەریان کەوتووە.

مەلا هاوار یەکێکە لە زیانمەندەکانی دوزخورماتوو، ئەو بۆ 964ـی باسکرد، هێشتا خانووە رووخاوەکەی بۆ نۆژەن نەکراوەتەوە.

ئەو لەبری هاوڵاتیانی دیکەی قەزاکە باس لە گیروگرفتەکانیان دەکات و هیوا دەخوازێت بەزووی حکومەتی عێراق و هەرێم و لایەنەکان قەرەبوویان بۆ بکەنەوە.