لە مەخموور سزای خۆڵ رشتی سەر شەقام 300 هەزار دینارە

ئەحمەد مستەفا

بەپێی نووسراوی فەرمی بەڕێوەبەرایەتی گشتی شارەوانییەکانی هەولێر کە شارەوانی مەخموور بڵاوی کردووەتەوە، بۆ بنبڕکردنی دیاردەی فڕێدانی خۆڵ و خاشاک و پاشماوەی بیناسازی لە سەر رێگا گشتییەکان و گۆڕەپانەکان، سزا دانراوە.

جۆری سەرپێچی هەرچی بێت لە فڕێدانی هەر جۆرە پاشماوەیەک (خۆراکی، ئاژەڵی، پاشماوەی بیناسازی و خۆڵ و خاشاک) لە شوێنە گشتییەکان و سەر ڕێگا سەرەکییەکان، سزادانی کەسی 300 هەزار دیناری بەدواوەیە.

بە گوێرەی نوسراوەکە سزاکان بریتین لە:
1- سزای دارایی بە بڕی (300,000) سێسەد هەزار دینار وەک دەسپێک.
2- دەستبەسەرداگرتنی ئۆتۆمبێل یان ئەو ئامێرەی سەرپێچییەکەی پێ ئەنجامدراوە.
3- شۆفێری سەرپێچیکار پابەند دەکرێت بە پاککردنەوەی شوێنەکە لەسەر تێچووی خۆی و هێنانەوەی وێنەی شوێنەکە دوای پاککردنەوە، وەک مەرجێک بۆ ئازادکردنی ئۆتۆمبێلەکەی.

شارەوانی مەخموور داوا دەکات، هاوڵاتیانی سنوورەکەی پابەندی رێنماییەکان بن بۆ پاراستنی پاکوخاوێنی و سیمای شارەکەیان.

وێنەیەکی نووسراوەکە