کەی نیو لیستەکەی تری موچە بڵاودەکرێتەوە؟

هونەر فارس

ئێوارەی ئەمڕۆ وەزارەتی دارایی لیستێکی موچەی بۆ مانگی حوزەیرانی 2023 بڵاوکردەوە کە ناوی هەموو وەزارەت و شوێنەکانی تیادا نییە، لەوبارەیەوە وتەبێژی وەزارەتەکە بە 964ـی وت، بەزووترین کات لیستێکی دیکە دێت.

هونەر جەمال وتەبێژی وەزارەتی دارایی هەرێمی کوردستان وتیشی، هۆکاری نەنووسینی تەواوی وەزارەت و شوێنەکان لە لیستەکەدا کورتهێنانە لە پارەی تەرخانکراو بۆ موچە بە بڕی 320 ملیار دینار، بەڵام لە زووترین کاتدا لیستێکی تەواوکاری بڵاودەکەنەوە.

وتیشی، “دەبێت ئەنجومەنی وەزیران چارەسەری بکات و جارێ نازانین چۆن ئەو کورتهێنانە پڕبکەینەوە”.

لیستە بڵاوکراوەکە هەریەک لە خانەنشینی پێشمەرگە، وەزارەتی ئاوەدانکردنەوە، رۆشنبیری، کارەبا، خوێندنی باڵا و شارەوانی و سەرۆکایەتی هەرێم و پەرلەمان و ئەنجومەنی وەزیرانی تیادا نییە.