تەماتە پەمەییەکەی شارەزوور بۆ برژاندن و تەشریب بەرناکەوێت

964+
ئەحمەد مستەفا

رۆژ رۆژی ئەو کێڵگانەیە کە تەماتەیان بەرهەمهێناوە و دەکەونە سەر رێگەی سەیدسادق بۆ خورماڵ.

گەشتیارێکی زۆر دەچنە سەیرانگاکانی هەڵەبجە و هەورامان و ئەو رێگەیە بەکاردەهێنن، تەماتەی پەمەیی بۆ برژاندن و تشریب و تەماتەی سووریش بۆ زەڵاتە دەکڕن.

هەردوو جۆری تەماتەکە کیلۆیان بە 750 دینار دەفرۆشرێت و خەڵکێکی زۆریش هەن بە چەند کیلۆ و بە سندوق دەیکڕن.

رەهەند بەختیار، فرۆشیار لە دەشتی شارەزوور بە 964ـی وت، بەپێی ئەوەی تەماتە پەمەییەکە تامی ترش و مزرە زووتر ساغ دەبێتەوە و گەشتیاران بۆ برژاندن و تشریب دەیبەن.

بە قسەی رەهەند بێت، زۆری خواست بەهۆی ئەوەیە رێگەی هاتوچۆی سەدان گەشتیارە کە دەچن بۆ ناوچە گەشتیارییەکانی هەڵەبجە و هەورامان و بە نرخێکی هەرزان تەماتەی کوردییان دەستدەکەوێت.

+1