چیتر باوی پاسوۆرد نامێنێ
+964
بڵند عوسمان – هەولێر
گووگڵ لە رێگای تایبەتمەندییەکی نوێ کۆتایی بە وشەی تێپەڕ دەهێنت و چیتر بەکارهێنەر پێویستی پێی نابێت.
کۆمپانیای گوگڵی ئەمریکی تایبەتمەندی “Passkey” زیادکرد بۆ کڕۆم، کە لە رێگایەوە دەتوانی وشە تێپەڕەکانت داخڵ بکەی و هەر جارێک پێویست بوو بەکاری بێنی لە رێگای پەنجەمۆر و کۆدێکی کورت.
ئەم تایبەتمەندییە پێشتر بۆ سیستمی وەگەڕخەری ئەندرۆید بەردەست بوو بە ناوی “Password Manager”، ئێستاش ناوەکەی گۆڕاوە بۆ “Passkey”، گەشەی پێدراوە و بەردەستکراوە بۆ سیستمی ویندۆز ١١ و ماک ئۆ ئێس.
وشەی تێپەڕ یان پاسوۆرد زۆر جار لەبیردەچێتەوە، هەر بۆیەش هەبوونی تایبەتمەندییەکی وەها دەتوانێت سوودبەخش بێ و بە پارێزراوی هەڵبگیرێت تیایدا.