بانکی ناوەندی دۆلاری زیاتر بە نرخی هەرزان دەداتە گەشتیاران

هاوبەش ئەبوبەکر

بانکی ناوەندی عێراق بڕی گۆڕینەوەی دۆلاری بە نرخی هەرزان زیاد کرد بۆ ئەو کەسانەی کە گەشتی دەرەوەی وڵات دەکەن.

ئەمڕۆ پێنجشەممە 6.7.2023، لە نوسراوێکدا عەمار خەلەف جێگری پارێزگاری بانکی ناوەندی رایگەیاند، لەبری گۆڕینەوەی دوو هەزار دۆلار، مانگانە سێ هەزار دۆلار بۆ هەر هاوڵاتییەک دەگۆڕنەوە کە گەشت دەکات.

هەمیلە گەردی، سەرۆکی ئەنجومەنی بەڕێوەبردنی (RT) بانک بە 964ـی راگەیاند، ئەو بڕیارە هەرێمی کوردستانیش دەگرێتەوە.

بڕیارەکە لە رۆژی یەکشەممە 9.7.2023ـەوە دەکەوێتە بواری جێبەجێکردنەوە.

بە بڕیاری بانکی ناوەندی عێراق، لەچوارچێوەی هەوڵەکاندا بۆ بەرزکردنەوەی بەهای دینار، بەهای 100 دۆلار بە 132 هەزار دینارە بۆ هەر کەسێک کە گەشتی دەرەوەی وڵات بکات.