بەشێک لە پێویستییەکانی نابینایانی هەڵەبجە دابین دەکرێت

964+

پێشەوا محەمەد

بەشێک لە پێویستییەکانی لقی هەڵەبجەی یەکێتی نابینایان دابین دەکرێت و سکرتێری یەکێتییەکەش دەڵێت، “کەموکوڕیمان زۆرە”.

لیژنەیەکی یەکێتی کەمئەندامان دوێنێ سێشەممە 4.7.2023 سەردانی لقی هەڵەبجەیان کردووە و لەوێ بینایان بۆ لقەکە بە کرێ گرتووە و نەسریەی مانگانەشیان بۆ بڕیونەتەوە.

پارێزگای هەڵەبجە زیاتر لە 700 نابینای هەیە.

عومەر خدر، سکرتێری یەکێتی نابینایانی کوردستان بە 964ـی راگەیاند، نابینایان لە هەڵەبجە و لە سەرجەم کوردستان کێشەی مادی و نەبوونی پێویستییەکانی خوێندن و نەبوونی خولیان هەیە.

وتیشی، “بە تایبەت بۆ نابینایانی هەڵەبجە ئەوەی لە تواناماندا بێت بۆیان دەکەین و هاوکاریان دەبین لە دابینکردنی پێداویستی خوێندن و کردنەوەی خولی جۆراوجۆر بۆیان”.