دیمهنێك له ئاگركهوتنهوهكهى سهر روباری سیروان له ئیدارهى گهرمیان ... وێنه: 964+
كەمپینێك: گهرمیان بهرهو بهبیابانبوون دهچێت
فهرهاد حهسهن
كەمپینێك له ئیدارهى گهرمیان هۆشدارى دهدات لهوهى كه گهرمیان بهرهو به بیابانبوون دهچێت.
كهمپینى پاراستنی دارستانەكانی سەر روباری سیروان له پهیامێكدا كه ئاڕاستەی ئیدارەی گەرمیان و بەرپرسانی كردوە دهڵێت “بە ھەوڵ و ماندوبونی ھەموولایەك تا رادەیەك سروشت و ژینگەی سیروان لە دوای داخستنی كارگەكانی چەو و لم بوژایەوە، بەداخەوە لە ماوەكانی رابردودا دیسان دارستانەكانی سیروان كەوتنە بەر شاڵاوی وێرانكردن و سوتاندن و رۆژانە سەدان دۆنم دارستانی سروشتی دەسوتێنرێت و ھیچ لێپرسینەوەیەكیش ناكرێت.
ئاماژەی بەوەشكردوە “ئێمە وەك و كەمپینی پاراستنی روباری سیروان دەیانجار داوامانكردوە كە بنكەیەكی پۆلسی دارستان و ئاگركوژێنەوە لەسەر روباری سیروان دابنرێت، بەڵام بەھۆی كەمتەرخەمی و بە بیانوی نەبونی پۆلیس و بەنزین و پێداویستی تاوەكو ئێستا نەتوانراوە ئەو بنكەیە دابنێت”.
داواكارییهكانى كەمپینی پاراستنی دارستانەكانی سەر روباری سیروان:
یەكەم: ئەو بنكەیە لەسەر روبارەكە دابندرێت.
دووەم: چاودێریەكی وردتر بكرێت.
دانانی لیژنەیەكی بەدواداچون بۆ دۆزینەوەی ئەو كەسانەی دارستانەكان دەسوتێنن، چاودێریكردنی ریستۆران و ماسیفرۆشان و دۆزینەوەی سەرچاوەی ئەو دارانەی بەكاری دێنن، چاودێریكردنی زەویە سوتاوەكان كە لە دوای سوتانیان دەكرێن بە كشتوكاڵ.
سێیەم: لیژنەی ئەمنی كەلار ھەوڵەكانیان چڕتر بكەنەوە بۆ دەستگیر كردنی تاوان باران.
چوارەم: دادگاكان بە ئەركی خۆیان ھەڵسن و بەپێی یاسا بەركارەكان توندترین سزای تاوانباران بدەن.
پێنجەم: داواكاری گشتی بە ئەركی خۆی ھەڵسێت و سكاڵا لەسەر تاوانباران بكات و ببێتە لایەنی سكاڵاكار.