سیستمی ڤار گەیشتە دەربەندیخان

+964
میلاد جەلال – گەرمیان

یەکەمین پاڵەوانێتی ھەڵبژاردەی شارەکان لە دەربەندیخان بەڕێوەدەچێت و بڕیارە سیستمی ڤار تێیدا بەکاربھێنرێت.

لە رێگەی شەش مۆبایل و شاشەیەکی کۆمپیوتەر سیستمی ڤار لە پاڵەوانێتیەکە بەکاردەھێنرێت.

ئەیوب لەتیف یەکێک لە سەرپەرشتیارانی یەکەمین پاڵەوانێتى ھەڵبژاردەی شارەکان لە دەربەندیخان بە 964ـی وت، “سیستمەکەمان تاقیکردووەتەوە و سەرکەوتوو بووە، پێش دەستپێکردنی خولەکەش دووبارە تێستیان دەکەینەوە، بەمجۆرەش بەدووردەبین لە رەخنەگرتن و تانە لێدان لەخولەکە”.

ئاماژەی بەوەشکرد، شەش مۆبایل بەشێوەی جێگیر دادەنرێت لەناو یاریگا و دەبەسترێنەوە بە شاشەیەکی کۆمپیوتەر، ناوبژیوانی چوارەم چاودێری دەکات”

پاڵەوانێتی ھەڵبژاردەی شارەکان، 18 شار تێیدا بەشدارە و لە 1ی تەمموز دەستپێدەکات.
پێداچوونەوە: فەهمی نەبی