بۆ چاککردنی رێگاکانیان دانیشتووانی گوندی گەڵاڵە داوای هاوکاری دەکەن
964+
پێشەوا محەمەد
بەهۆی لافاو و بارانەوە رێگاکانی هاتوچۆی گوندی گەڵاڵە تێکچوون و بۆ چاککردنەوەشیان دانیشتووانی گوندەکە داوای هاوکاری دەکەن.
رێگاکە لە دۆڵبێشکەکانی خوار گوندی قامیشەوە تا ناو گەڵاڵە تێکچووە و لەناو گوندەکەش رێگاکانی چوونە ناو باخ خراپبوون و ئۆتۆمبێل ناتوانێت پێیاندا بڕوات.
گوندی گەڵاڵە دەکەوێتە ناوچەی شارباژێڕ سەر بە قەزای ماوەت و 58 کیلۆمەتر لە سەنتەری پارێزگای سلێمانییەوە دوورە.
حسێن حاجی قادر، سەرپەرشتیاری چاککردنەوەی رێگەکانی گوندی گەڵاڵە بە 964ی راگەیاند، بە یارمەتی هەندێ خێرخواز سەرقاڵی چاککردنی رێگاکەن.
وتیشی، “پێویستمان بە هاوکاری زیاترە و رێگاکانی ناوباخ و هاتوچۆی جوتیاران نزیکەی سێ ملیۆن دیناری پێویستە”.