دە هەزار کورد و عەرەبی عێراقی لە قەتەرن
لە هەرێم بلیتی VIPـی یاریی کۆتایی مۆندیال لە دەفتەرێک دۆلار نزیک دەبێتەوە
دە هەزار کورد و عەرەبی عێراقی لە قەتەرن
2022-12-04
+964
پێشەوا محەمەد – سلێمانی
بلیتی VIPـی یاریی کۆتایی مۆندیالی قەتەر لە ١٠ هەزار دۆلار نزیک بووەتەوە، کۆمپانیای موونلاین دەڵێ؛ بلیتەکان هی دەستی دوون بۆیە نرخیان بەو شێوەیە بەرز بوونەتەوە.
کۆمپانیای موونلاین، تاکە بریکاری فرۆشتنی بلیتەکانی مۆندیالی قەتەر لە عێراق و هەرێمی کوردستان، بۆ 964+ ئاشکرای دەکات کە نزیکەی دە هەزار کەس لە هەرێم و عێراقەوە سەردانی قەتەریان کردووە بۆ بینینی یارییەکانی مۆندیالی قەتەر.
964+ لە زاری پەیڤین کاوە، بەرپرسی بەشی مارکێتینگی کۆمپانیای موونلاینەوە دەزانێت، بلیتی ئاسایی یارییەکانی مۆندیال نزیکەی دوو هەزار دۆلارە، بەڵام بلیتی VIPـی لە کۆمپانیاکە نزیکەی حەوت هەزار دۆلارە.
“ئێستا لە دەرەوە بە دەستی دوو بلیتی VIPـی چونکە کەمە و لە ئێستاشدا نەماوە لە دە هەزار دۆلار نزیک بووەتەوە و نرخی بلیتی ئاساییش هەرچەندە لە کۆمپانیا ماوە، بەڵام ئاگادارین بە پێنج هەزار دۆلار فرۆشراوە”، پەیڤین کاوە وای وت.
یەکەم یاریی مۆندیالی قەتەر لە ٢٠ـی تشرینی دووەم دەستی پێ کرد و بڕیارە یاریی کۆتاییش لە ١٨ کانوونی یەکەمدا ئەنجام بدرێت.
پەیڤین کاوە دەڵێت، جیاوازیی لە نرخی بلیتەکاندا نییە بۆ یارییەکان، تەنها جیاوازییەکە لە کۆمپانیا لە نرخی بلیتی ئاسایی و VIPـیدایە.