زاخۆ بە بردنەوەی لە دیوانیە پلەیەک چووە پێش

964+

شڤان عەبدوڵا – زاخۆ

لە گەڕی 32ـی خولی نایابی عێراق، زاخۆ سەرکەوتنێکی گەورەی لەسەر دیوانیە تومارکرد و پلەیەک چووە پێش.

گێمی یەکەمی یاریەکە لە بەرژەوەندی یانەی زاخۆ بە دوو گوڵی بێ بەرامبەر کوتایی هات، هەردوو گوڵی یانەکە لە لایەن هێرشبەری یانەی زاخۆ فەرحان شەکور لە خولەکی 14 و 24 تومارکران.

هەروەها لە خولەکی 45 و دوا خولەکی کۆتایی گێمی یەکەم یاریزنی یانەی زاخۆ عەلی مەنسور لێدانێکی سزای بۆهات و بەڵام نەیتوانی گۆڵ تۆمار بکات.

لە گێمی دووەمی یارییەکەدا، هەردوو یانە هێرشی زۆریان ئەنجامدا تا لە خۆلەکی 80 هێرشبەری یانەی دیوانیە عەلی کەریمی  توانی سوود لە هێرشە بەردەوامەکانیان ببینێت و گۆڵی یەکەم بۆ یانەکەی تۆمار بکات و یارییەکەش بەو ئەنجامە لە بەرژەوەندی یانەی زاخۆ کۆتایی هات.

ئێستا یانەی دیوانیە لە کۆتا رزبەندی خولی نایابی عیراقییە بە کۆکردنەوەی 12 خاڵ و بە فەرمی دابەزیوە بۆ خولی پلە یەکی عیراق، زاخۆش بە بەدەستهێنانی سێ خاڵ پلەیەک چوو پێش بۆ ریزبەندی 15یەم.