لە چوارقوڕنە 670 كیلۆ جگەری قەدەغەكراو لەناوبرا

+964

ژێوار خدر – راپەڕین

670 کیلۆ جگەر لە کۆگایەکدا دەستی بەسەردا گیراوە، سەرۆکی لیژنەی قایمقامیەتی رانیەش دەڵێت، رێکاری یاسایی بەرامبەر خاوەن کۆگایەکە گیراوەتەبەر.

ئەمڕۆ 20.5.2023 لیژنە هاوبەشەکانی قایمقامیەتی قەزای رانیە دەستیانگرت بەسەر بڕی 670 کیلۆ جگەری قەدەغەکراو لە کۆگایەکی ناحکومی.

کارزان سلێمان, سەرۆکی لیژنە هاوبەشەکانی قایمقامیەتی قەزای رانیە بە 964ـی وت، لیژنەکانیان دەستیانگرتووە بەسەر 99 کارتۆن جگەری ئێرانی و سعودی کە بڕەکەی دەکاتە 670 کیلۆ.

دەشڵێت: لەسەر ئەمە رێکاری یاسایی بەرامبەر خاوەن کۆگایەکە گیراوەتەبەر.

لەماوەی یەک مانگی رابردوودا لە سنووری ئیداری راپەڕین بڕی 755 کیلۆ 300 گرام گۆشت و جگەری بیانی دەستیانبەسەردا گیراوە.

پێداچوونەوە: کوردستان ئەحمەد