نرخی زێڕ روو لە دابەزینە

964+
دێسکی کوردی

ئەگەرچی لە سەرەتای ئەم مانگەدا نرخی زێڕ بۆ بەرزترین ئاستی خۆی هەڵکشا، بەڵام چەند رۆژێکە رووی لە دابەزینە.

رۆژی 3ی ئایار نرخی یەک کیلۆ زێڕ گەیشتە 64 هەزار و 984 دۆلار، لەکاتێکدا ئەمڕۆ 19ی ئایار، نرخی یەک کیلۆ 63 هەزار و 181 دۆلارە.

ئەو نرخەی 3ی ئایار بەرزترین بوو لەو کاتەوەی لە رۆژی 3ی ئاداری 2022 نرخی یەک کیلۆ زێڕ گەیشتە 65 هەزار و 992 دۆلار.

بەرزبوونەوەکە لە دوای راگەیاندنی سوودی بانکی لە ئەمریکا هات کە بەو هۆیەوە سوودی سەر قەواڵە داراییەکانی ئەو وڵاتە و بەهای دۆلاریش رووی لە دابەزین کرد.

بەگوێرەی شارەزایانی ئابووری کە 964 سۆراغی کردوون، ئەو دابەزینەی ئەم چەند رۆژەی نرخی زێڕ بەهۆی کۆکردنەوەی قازانجی زیاترە لەلایەن بازرگانانەوە و رەنگە بۆ ماوەیەکی کورت بە رێژەی سنووردار بەردەوام بێت، بەڵام بە گشتی ئاسۆی نرخی زێڕ بەرەو بەرزبوونەوەیە.