تیپی باسکەی زاخۆ لە پردی دەلال وەک پاڵەوان پێشوازی کرا
+964
شڤان عەبدوڵا – زاخۆ
جەماوەری زاخۆ بە بۆنەی بەدەستهێنانی پلەی سێیەم لەسەر ئاستی خولی نایابی باسکەی عێراق، پێشوازییان لە تیپی باسکەی شارەکەیان کرد.
نیوەڕۆی ئەمڕۆ تیپی باسکەی زاخۆ لە کەرنەڤاڵێکی جەماوەریدا لە نزیک پردی دەلال لەلایەن جەماوەر و بەرپرسانی یانەکەیانەوە پێشوازی کران.
بە بەدەستهێنانی پلەی سێیەم لە خولی نایابی عێراق، یانەی زاخۆ هەلی ئەوەی دەبێت بەشداری خولی یانەکانی عەرەب بکات.
باسکەی زاخۆ دوێنێ لە بەغدا بە 90-88 خاڵ لە یانەی حەشدی شەعبی بردەوە و پلەی سێیەمی ئەم وەرزەی بردەوە.
پێداچوونەوە: ئەرسەلان عەبدوڵا
