دروێنەی گەنمی ئەمساڵ لە گەرمیان - وێنە: 964
شاندێکی عێراق بۆ کڕینی گەنم لە ئەمریکایە
964+
فەهمی نەبی
شاندێکی وەزارەتی بازرگانی عێراق لە ئەمریکان بۆ کڕینی گەنمی ئەو وڵاتە، سەرەڕای زیادبوونی بەرهەمی ناوخۆ بۆ دوو هێندە.
ئەو شاندەی لە ئەمریکان بۆ گفتوگۆ لەگەڵ کۆمپانیا ئەمریکیەکان و ئەنجومەنی گەنمی ئەمریکی لەبارەی دابینکردنی ئەو گەنمەی لەگەڵ بەرهەمی ناوخۆ تێکەڵ دەکرێت، ئەو گەنمەی عێراق دەیەوێت لە ئەمریکای بکڕیت بۆ ئاردی سفرە.
رۆژی 11.5.2023 وەزارەتی بازرگانی حکومەتی عێراق دانیشتنەکانی لە واشنتن لەگەڵ چەند لایەنێکی بازرگانی ئەنجامداوە.
ئەگەرچی وەزارەتی بازرگانی عێراق لە سەرەتای مانگی نیسان رایگەیاند، پێشبینی دەکەن بۆ ئەمساڵ بەرهەمی گەنمی ناوخۆ بەراورد بە ساڵی رابردوو دوو هێندە زیاد بکات و بۆ ئەمساڵ %85 پێداویستی ناوخۆ پڕ بکاتەوە.
پێشبینیەکانی وەزرەتی بازرگانی بۆ بەرهەمی گەنمی ئەمساڵ چوار ملیۆن و 600 هەزار تۆنە.
بەپێی ئەو راگەیەنراوە بێت کە وەزارەتی بازرگانی عێراق لەگەڵ ئەنجومەنی گەنمی ئەمریکی و چەند کۆمپانیایەکی گەنم ئەنجامیداوە، هێشتا هیچ رێکەوتنێک ئەنجامنەدراوە لەبارەی کڕینی گەنم لەو وڵاتە.