بەشێک لە کەپرەکانی سەیرانگای دووکان. وێنە/964+
کارەبای سلێمانی مۆڵەتی حەوت رۆژ دەداتە باخ و خانوەکانی دوکان
964+
هاوبەش ئەبوبەکر
بەڕێوەبەرایەتی كارەبای سلێمانی، هەڕەشەی بڕینی كارەبا لەو باخ و خانوانە دەكات كە دەكەونە سنووری بەڕێوەبەرایەتی دابەشكردنی كارەبای دوكان و بەبێ مۆڵەت كارەبایان راكێشاوە.
لە راگەیەندراوێکدا کە رۆژی دووشەممە لە فەیسبوک بڵاویکردووەتەوە، کارەبای سلێمانی مۆڵەتی حەوت رۆژ دەداتە ئەو شوێنانە، بۆ ئەوەی سەردانی هۆبەی فرۆشتنی وزەی دابەشکردنی کارەبای دوکان بکەن و کاری یاساییان بۆ بکرێت.
هۆشدارییەکە بۆ ئەو خاوەن باخ و خانووانەیە کە بەبێ مۆڵەت کارەبایان راکێشاوە دواتر پێوەری زیرەکیان بۆ بەستراوە.
زۆربەی شوێنەکان ئەو باخانەن کە دەکەونە سنووری ناوچەی مێرگەپان، ئەگەر لە ماوەی دیاریکراودە مامەڵەی یاسایی نەکەن، کارەباکەیان دەبڕدرێت.