کارتۆنەکەی گۆڕیبوو

دەیویست نۆکی بەسەرچوو ساغبکاتەوە

964+

فەهمی نەبی

لە گەڕەکی مەلا داودی سلێمانی، چەرەساتفرۆشێک دەیویست زیاتر لە تۆنێک نۆکی برژاوی بەسەرچوو ساغبکاتەوە.

قایمقامیەتی سلێمانی ئەمڕۆ دووشەممە رایگەیاند، لیژنەکانیان لەسەر بنەمای زانیاری ئاسایشی سلێمانی چوونەتە ئەو دوکانە و دەستیانگرتووە بەسەر 297 کارتۆن کە نۆکەکەی لێ بەتاڵ کراوە و خراوەتە نێو کارتۆنی نوێ بە رێکەوتی نوێوە.

نۆکە برژاوە بەسەرچووەکە تۆنێک و 350 کیلۆگرام بووە، لە ئێرانەوە هاوردەکراوە، وەکو فێڵی بازرگانی ئەو دوکاندارە ویستویەتی ساغیبکاتەوە.

قایمقامی سلێمانی دەڵێت: بەفەرمانی دادوەری دادگای یەکی سلێمانی، فەرمانی دەستگیرکردن بۆ خاوەنەکەی دەرچوو.