لە زاخۆ 20 ئۆتۆمبێل و 13 دوکان سزادران

شڤان عەبدوڵا – زاخۆ

بەهۆی زیادەڕۆیی و گرتنی شۆستەوە، 20 ئۆتۆمبێل و 13 دوکان لە قەزای زاخۆ سزادرابوون.

کارەکە لە لایەن لیژنەکانی قایمقامییەتی زاخۆ بە هاوکاری بەرێوەبەرایەتی هاتوچۆ دوێنێ چوارشەممە 3.5.2023 ئەنجامدراوە.

هەمان رۆژ هۆڵیکی لەشجوانی، سەموونخانەیەک و کۆگایەکی ئارد بەهۆی نەبوونی رێنمایی تەندروستی داخراون.

ئەو ئۆتۆمبێل و دوکانانەی زیادەڕەویان کردووە سزای مادی دراون و ئەوانەشی داخراون سێ رۆژ مۆڵەتیان پێدراوە رێنماییە تەندروستییەکان جێبەجێ بکەن.

وەڵات هەجەر، سەرۆکی لیژنەی بەدواداچوونی بازاڕ لە قایمقامیەتی زاخۆ بە تۆڕی 964ی وت، “بەردەوام زیادەڕۆیی سەر شۆستەکان لادەبەین و رێگەی هاتوچۆی هاوڵاتیان فراوانتر بووە”.

بەردەوام چاودێری بازاڕ دەکەین و هەڵمەتی لابردنی زیادەڕۆییەکان بەردەوامی پێدەدەین. ئەمەش وتەی وەڵات هەجەرە.

پێداچوونەوە: پێشەوا محەمەد