کولەکە و خەیاری خۆمانە پێگەیشتووە و نرخی هەرزان بوو
964+
فەهمی نەبی
ئەنجومەنی عەلوەی هەولێر دەڵێت کولەکە و خەیاری خۆمانە پێگەیشتووە و هەر کیلۆیەکی بە 300 دینارە.
لە هەرێمی کوردستان، وەرزی بەهار هێشتا زیاتر لە مانگێکی ماوە، وەرزی پێگەیشتنی چەند بەرهەمێکی ناوخۆیی وەک کولەکە، خیار و پیازی خۆمانەیە.
رەجەب عەزیز، ئەنجومەنی عەلوەی هەولێر بۆ 964 دەڵێت، ئێستا کودی و خەیاری خۆمانە پێگەیشتووە و نرخی هەر کیلۆیەک خەیار لە عەلوەی هەولێر بە 300 دینار و هەر کیلۆیەک کودی بە 350 دینارە.
ئەمە لەکاتێکدایە بەر لە پێگەیشتنی خەیار و کولەکەی خۆمانە، نرخی هەر کیلۆیەکی ئەو دوو بەرهەمە کە لە ئێرانەوە دەهات 800 دینار بۆ 1000 دینار بوو.
بەوتەی رەجەب عەزیز، دوای دوو هەفتەی دیکە هەموو پارێزگاکانی عێراق لە عەلوەی هەولێر بەرهەمی ناوخۆیی هەرێم باردەکەن بۆ شارەکانی دیکەی عێراق.
سەبارەت بە پێگەیشتنی بەرهەمی تەماتە، بەرپرسی ئەنجومەنی عەلوەی هەولێر دەڵێت مانگی شەش تەماتەی خۆمانە پێدەگات و نرخی ئەویش دادەبەزێت.