“لەگەڵ هەنگوینی شار فەرقی نییە”؛ فرۆشیارێک سێ جۆری جیاوازی هەنگوین دەفرۆشێت

964+

رازاو محەمەد – سلێمانی

خانمێک وەک هەنگەوان و فرۆشیاری هەنگوین لە فێستیڤاڵی ئەمساڵی هەنگوین لە سلێمانی بەشداری کردووە و دەڵێت، “ئەمە سێیەم جارمە بەشداری دەکەم و سێ جۆری هەنگوینمان هەیە.”

نێوجوان فەتاح هەنگەوانێکی گوندی شێخەڵمارینی سەر بە شارباژێڕە و بە 964ـی وت: لەو سێ جۆرە بەرهەمەی هەمانە شانەی خڕ باشترین جۆرە و هیچ جیاوازی لەگەڵ هەنگوینی شاخ نییە.

نێوجوان فەتاح دەڵێت، “من ناچمە نێو هەنگەکان و ئەوەی فێربووم بەشێکی لە باوکمە و بەشێکی دیکە لە کەسانی دەوروبەرمەوە فێربووم.”

فێستیڤاڵی هەنگوین ماوەی سێ رۆژە لە پارکی ئازادی سلێمانی بە بەشداری دەیان خاوەنکار و هەنگەوان بەڕێوەدەچێت و سبەینێ کۆتا رۆژی فێستیڤاڵەکەیە.

پێداچوونەوە: کاکەلاو عەبدوڵا