مریشکى کێڵگە پەلەوەرییەکان
نرخی مریشک ھاڕەی کرد
964+
دیلان محەمەد جەزا – سلێمانی
بەھۆی زۆری مریشک لە بازاڕدا، کاریگەری لەسەر نرخی دروست بووە و تەنیا لە ماوەی سێ کاتژمێری ئەمڕۆدا نرخەکەی بۆ ھەر کیلۆیەک 50 دیناری دابەزیوە.
سەر لە بەیانی ئەمڕۆ پێنجشەممە 27.4.2023، نرخی مریشک دوو ھەزار و 600 دینار بووە و دوای سێ کاتژمێر نرخەکەی بووە بە دوو ھەزار و 550 دینار، بە قسەی مریشکفرۆشانیش بێت بەهۆی ئەو زۆری خستنەڕووە چاوەڕی دەکرێت نەخەکەی بۆ خوار دوو ھەزار دینار داببەزێت.
لە ماوەی مانگێکدا نرخی مریشک نیوەی بەھاکەی لەدەستداوە و لە پێشتردا ھەر کیلۆیەک مریشک بە پێنج ھەزار و 250 دینار بووە، ئەمە بەپێی وتەی سۆران غەفور، بەڕێوەبەری چاودێری بازرگانی سلێمانی.
نرخی مریشکی زیندوو له دهۆک گەیشتە 2750 دینار.
لە هەولێریش نرخی مریشك بە 3250 دینارە.
پێداچوونەوە: فەرمان سادق