![دوو باندی بازرگانیکردن بە مادەی هۆشبەر دەستگیرکران](https://ku.964media.com/storage/2022/12/مادەی-هۆشبەر.jpg)
جۆرێکی مادەی هۆشبەر وێنە:Social Media
دوو باندی بازرگانیکردن بە مادەی هۆشبەر دەستگیرکران
964+
هاوبەش ئەبوبەکر
لە ماوەی ھەشت رۆژی رابردوودا، دوو باندی “مەترسیدار” بە تۆمەتی بەکارهێنان و بازرگانیکردن بە مادەی هۆشبەر دەستگیرکراون.
ئاسایشی هەولێر درەنگانی شەوی رابردوو، لە راگەیەندراوێکدا لە فەیسبوکی خۆیان وتی، دوو باندەکە پێکهاتوون لە چوار کەس و لە دوو چالاکیدا دەستگیرکراون.
تیمەکانی بەڕێوەبەرایەتیی نەهێشتنی مادە ھۆشبەرەکان دەستیانگرتووە بەسەر 11 کیلۆ مادەی هۆشبەردا، کە لەلایەن ئەو دوو باندەوە مامەڵەی پێوەکراوە.
مادە هۆشبەرەکان لە جۆری کریستاڵ و حەشیش بوون، بەڕێوەبەرایەتیی نەهێشتنی مادە ھۆشبەرەکان وا دەڵێت.
پێشتریش هەر لە مانگی نیساندا، ئاسایشی راپەڕین رایگەیاند دوو باندیان بە نزیکەی 60 کیلۆ مادەی هۆشبەرەوە دەستگیرکردووە.