دیزاینی بازاڕی سپی. فۆتۆ/فەرمانگەی میدیا و زانیاری حکومەت
سبەی لە هۆڵی میدیا
دوکانەکانی بازاڕی سپی دابەشدەکرێت
964+
فەرمان سادق
کاتژمێر 11ـی سەر لە بەیانی سبەی شەممە 15.4.2023 دەستدەکرێت بە دابەشکردنی دوکانەکانی بازاڕی سپی لە شاری هەولێر.
پڕۆسەی تیروپشکەکە بە ئامادەبوونی ئومێد خۆشناو، پارێزگاری هەولێر لە هۆڵی میدیا ئەنجامدەدرێت، ئەوانەیشی دوکانیان پێدەدرێت دەبێت ناسنامە یان کارتی نیشتمانیان لەلا بێت.
بازاڕەکە لە نزیکەی 700 دوکان، چێشتخانە، پارك، پاركی وەستاندنی ئۆتۆمبێل و چایخانە پێکهاتووە، بە شێوەی تیروپشک دەبێت و بەشداربووان دەبێت قیستی سێیەمی دوکانەکانیان دابێتە پارێزگا، زۆربەشیان ئەوانەن کە سێ ساڵ لەمەوبەر دوکانەکانیان لە بازاڕی سیم سووتا بوون.