سەرەڕای بارانبارین لە گەرمیان پەڵەی نەداوە
964+
هونەر فارس – گەرمیان
لە گەرمیان تاوەکو ئێستا باران زیاتر باریوە بەراورد بە پار، بەڵام هێشتا پەڵەی نەداوە، بە قسەی بەرپرسانی کشتوکاڵی دەڤەرەکە.
بەگوێرەی هۆبەی کشتوکاڵی گەرمیان، رێژەی بارانبارینی ئەمساڵ تاوەکو ئێستا ٥٨.٦ ملیمە، پار ئەم کاتانە ٣٤.٦ ملیم بووە.
شادیە حسێن، بەڕێوەبەری کشتوکاڵی گەرمیان بە 964+ی راگەیاند، هەرچەند رێژەیەکی باش باران لە سنورەکە باریوە، بەڵام هێشتا زووە بۆ راگەیاندنی ئەوەی پەڵەی داوە.
لە ٢٤ کاتژمێری رابردوو، لە کەلار ٨.٥ ملیم، خانەقین ٧.٦ ملیم، مەیدان ٨.١ ملیم، پێباز ٧.١ ملیم و کفری ٣.٦ ملیم باران باریوە.