لە بەردەڕەش گۆشتی سور هەرزانكرا

964+
زەید كۆچەر- دهۆك
لە قەزای بەردەڕەش نرخی گۆشتی سور كەمكرایەوە، ئێستا كیلۆیەك بە 15 هەزار دینارە.

پێشتر نرخی یەك كیلۆ گۆشت گەیشتبووە 22 هەزار دینار، ئێستا نرخەكە دابەزێنراوە و رێگەش نادرێت نرخەكە زیاد بكرێت.

کامیران بەرزنجی، بەڕێوەبەری چاودێری بازرگانی بەڕدەڕەش بە 964ی وت، چاودێرییەكی چڕ لە بازاڕەکانیان بە بەردەوامی هەیە،رێگە نادرێت بە هیچ شێوەیەک گوشتی سوری مانگا زیاتر لە 15 هەزار بفڕۆشرێت.

لەگەڵ ئەوەی رێگە نادرێت هیچ جۆرە گۆشتێك، كە پشكنینی بۆ نەكرێت بفڕۆشرێت رێگەش نادرێت نرخەكەی لەوە زیاتر ببێت.

نرخی یەك كیلۆ گۆشتی گوێرەكە لە پارێزگای دهۆك بە 22 هەزار دینارە، نرخی یەك كیلۆ گۆشتی بەرخ و مەڕ و كاوڕ
بە 18 هەزار دینارە

پێداچونەوە: كوردستان ئەحمەد