دەستەی دەستپاکی:
زۆرترین بەرتیلدان لە کەرتی پەروەردەیە
964+
فەهمی نەبی
دەستەی دەسپاکی عێراق رایدەگەیەنێت، زۆرترین رێژەی بەرتیلدان لە فەرمانگەکانی وەزارەتی پەروەردەیە، بەجۆرێک پەروەردەی کەرتی دووی رەسافە لە بەغدا %58.40 -ی بەردەکەوێت.
ئەمڕۆ 31.3.2023 دەستەی دەسپاکی عێراق لە ماڵپەڕی فەرمی دەستەکە هەواڵەکەی بڵاوکردوەتەوە.
راپرسیەکە لەشێوەی پرسیار ئەنجامدراوە و ئاراستەی 13 هەزار و 554 مامۆستا و فەرمانبەر لە 20 بەڕیوەبەرایەتی کردووە و 637 سەردانی مەیدانیش ئەنجامدراوە.
بەپێی ئەنجامی راپرسیەکەی دەستەی دەسپاکی عێراقی بێت، پەروەردەی کەرتی دووی رەسافە لە پلەی یەکەمدایە و پەروەردەی کەرتی قادسیە لە پلەی دووەمدایە، ئەوەش هاتووە لە پەروەردەی کەرکوک رێژەی بەرتیلدان گەیشتۆتە 42.23%.
رێژەی بەرتیلدان لە سەرانسەری عێراق گەیشتۆتە 10.18% بەڵام لە شەش بەڕێوەبەرایەتی پەروەردە لە بەغدا رێژەی بەرتیلدان گەیشتۆتە 10.27%.
لە راپۆرتەکەی دەستەی دەسپاکی عێراق ئەوەش هاتووە 37%ـی کارمەندانی کەرتی پەروەردە بە ئەنقەست مامەڵەی هاوڵاتیانیان دواخستووە.