چەند چالاکییەک ئەنجام دەدرێن
لە کۆیە رۆژی هونەرە و یادی هونەرمەند تاهیر تۆفیق دەکرێتەوە
964+
دەریا ئەحمەد – کۆیە
لە کۆیە رۆژی هونەرە و یادی هونەرمەندی دیار و گەورەی کورد تاهیر تۆفیق دەکرێتەوە.
هونەر تاهیر بەڕێوەبەری رۆشنبیری و هونەری کۆیە بە 964ـی وت، “هونەرمەندی گەل تاهیر تۆفیق شایەنی هەرچی کاری باشە و حەقە فێستیڤاڵێکی یەک مانگەی بۆ بکرێت، ئێمەش ئەوەی لە تواناماندا بێت دەیکەین و چەند چالاکییەکی هۆنەری جۆراوجۆر ئەنجام دەدرێن”.
ئاماژەی بەوەشکرد، مەراسیمەکە نزیکەی حەوت رۆژ دەخایەنەت و هونەرمەندان و شانۆکارانی دیاری کوردستانیش بەشدار دەبن.
هونەر تاهیر قاتێک جلی کوردی جوانی لەبەر کردووە و لەگەڵیدا بۆینباغی بەستووە، وەک خۆی دەڵێت، زەمانی زووش بڕوانامەدارەکان لەگەڵ جلی کوردی بۆینباغیان لەمل کردووە.
پێداچوونەوە؛ شۆڕش قادری