مونافس بۆ سەرچناری سلێمانی دروستدەکرێت لە سەوزاییدا

دیلان محەمەدجەزا – سلێمانی

دوای ساڵێک یەکتربڕی تۆفیق وەھبی لە سلێمانی سەوزدەکرێت و 40 هەزار نەمامی تێدا دەچێنرێت.

بەهرۆز سالار بەڕێوەبەری باخچەکانی سلێمانی بە 964ـی وت، “لەو 40 هەزار نەمامەی دیاریمانکردووە بۆ سەوزکردنی یەکتربڕی تۆفیق وەهبی، گوڵ و دار و چیمەن لەخۆدەگرێت”.

وتیشی، لە دیزاینەکەدا دوو ناوی سلێمانی هەیە و بە درێژی 40 مەتر و بەرزی شەش مەتر بە پەرژین دیزاینی دەکەین و پڕۆژەکەی پێ جوانتر دەکەین.

بەڕێوەبەری باخچەکانی سلێمانی لەبارەی سەوزکردنی گەڕەکەکانی سلێمانی وتی، سەرچنار سەوزترین گەڕەکی سلێمانییە و ئەمساڵ مونافسی بۆ زیاد دەکەین و هەموو گەڕەکەکان وەکو سەرچناری لێ دەکەین.

پێداچوونەوە: شیرین ساڵح