کارمەندێکی پۆلیس لەکاتی کوژاندنەوەی ئاگرەکەی لەنگەی رانیە تەنگەنەفەس بووە - وێنە؛ بۆ 964 نێردراوە
لە ئاگرەکەی بازاڕی لەنگەی رانیە
15 کەس تەنگەنەفەس بوون و سێ کەسێش بەشێک لە جەستەیان سووتاوە
شۆڕش قادری
لە رووداوی ئاگر کەوتنەوەی بازاڕی لەنگەی رانیە، 15 کەس تەنگەنەفەس بوون و سێ کەسێش بەشێک لە جەستەیان سووتاوە.
شەوی رابردوو ئاگر لەناو بازاڕی لەنگەی رانیە کەوتەوە و چەند دووکانێک بەتەواوەتی سووتان.
ئەمڕۆ یەکشەممە 4.10.2026 بەڕێوەبەرایەتی تەندروستی راپەڕین دواین ئاماری بریندارانی رووداوەکەی بڵاوکردووەتەوە و دەڵێت، 15 هاوڵاتی بۆ نەخۆشخانەی فریاکەوتنی رانیە هێندران، بەشێکیان بەهۆی تەنگە نەفەسییەوە بوو و سێ هاوڵاتی دیکەش بەشێکی جەستیان سووتابوو.
تا ئێستا هۆکاری سەرهەڵدانی ئاگرەکە نەزانراوە و لێکۆلێنەوەکان لەوبارەیەوە بەردەوامە.