سلێمانى
تابلۆی باخچەی قادری حاجی عەلی شکێندرا
964+
دیلان محەمەد- سلێمانى
دوانیوەڕۆى ئەمڕۆ، کەسێک کە دەوترێت دەمووچاوى پێچاوە، بەدارێک وێنەى سەر تابلۆى باخچەى قادرى حاجى عەلى شکاندووە.
باخچەکە دەکەوێتە دەروازەى گەڕەکى چوارچرا لە سەر شەقامى 60 مەترى سلێمانى و بەناوى قادرى حاجى عەلى ناونراوە کە کەسایەتییەکى سیاسى شارەکە بووە.
بەپێى وتەى شایەدحاڵێک کە وێنەى شکاندنى تابلۆکەى بۆ 964 ناردووە، کەسەکە دەموچاوى پێچاوە و بەدار وێنەى قادرى حاجى عەلى لەسەر تابلۆى باخچەکە شکاندووە و دواتر شوێنەکەى جێهێشتووە.
پێداچوونەوە: وریا فەتاح