بورجی جەددە 180 مەتر لە بورجی خەلیفە بەرزتر دەبێت

ژێوار خدر

پڕۆژەی بورجی جەددە لە سعودیە خەریکە نیوەی رێگای “بەرزترین تەلاری جیهان” دەبڕێت، ئێستا کارەکان گەیشتووەتە نهۆمی 111 و بەرزییەکەی 450 مەترە، تەنیا 15 نهۆمی تری ماوە بۆ ئەوەی بەرزییەکەی بگاتە 500 مەتر و نیوەی پڕۆژەکە تەواو ببێت.

بەپێی ئەو پلانەی بۆی دانراوە، ئەم بورجە لە ساڵی 2028دا بەتەواوی کۆتایی دێت و بەرزییەکەی دەگاتە 1008 مەتر (واتە یەک کیلۆمەتر و 8 مەتر)، بەمەش دەبێتە بەرزترین تاوەر لە جیهاندا و بە تەواوەتی پێش بورجی خەلیفەی دوبەی دەداتەوە.

ئەم تاوەرە نوێیەی سعودیە، 180 مەتر لە بورجی خەلیفە بەرزتر دەبێت، کە ئێستا بەرزترین تاوەری جیهانە و درێژییەکەی 828 مەترە، بەرپرسانی پڕۆژەکە دەڵێن، کاتێک بورجەکە دەگاتە نهۆمی 126، بەرزییەکەی لە 500 مەتر تێدەپەڕێت و بەرەو لوتکە دەڕوات.

ئامانج لەم پڕۆژە زەبەلاحە ئەوەیە کە شاری جەددە ببێتە یەکێک لە شارە هەرە ناودارەکانی جیهان لە رووی گەشتیاری و بازرگانییەوە و ریکۆردێکی نوێ لە مێژووی بەرزترین تەلاری جیهاندا تۆمار بکات.