باڵۆنە چاوتیژەکە لە ئاسمانی هەولێری پایتەخت هەڵدرایەوە

ئەحمەد شەمزین – هەولێر

دوای 16 رۆژ باڵۆنەکەی هاوپەیمانان لەسەر ئاسمانی هەولێر هەڵدرایەوە کە بۆ حاڵەتی ئەمنیی و بینینی موشەک و درۆن بەکاردەهێنرێت.

سەرەتای ئەم مانگە بوو باڵۆنەکە لەسەر فڕۆکەخانەی نێودەوڵەتی هەولێر داگیرا و ئەمڕۆ جارێکی دیکە چووەوە ئاسمان، ئەحمەد هۆشیار بەڕێوەبەری فڕۆکەخانەی نێودەوڵەتی هەولێر بە 964ـی وت، “بڕیاری داگرتن و بردنەسەرەوەی باڵۆنەکە لە دەستی هێزەکانی هاوپەیمانان دایە و ئاگاداری وردەکارییەکانی نین، بەڵام دەزانین کە بۆ چاودێری ئەمنیی و بینینی موشەک و درۆن بەکاردەهێنرێت”.

دەوترێ باڵۆنەکە وەک رادار بەکارێت و لە دووری 50 کیلۆمەتر بە هەر چواردەوری خۆیدا موشەک و درۆنەکان دەبینێت.

پێداچوونەوە؛ شۆڕش قادری