بۆرییە شکاوەکەی سلێمانی چاک کرایەوە

شۆڕش قادری

بۆرییە شکاوەکەی هێڵی دوکان – سلێمانی چاک کرایەوە و دوو کاتژمێری دیکە ئاو دەگاتەوە ماڵان.

بەڕێوەبەرایەتی ئاوی سلێمانی ڤیدیۆی کارکردنی تیمەکانیانی لە کاتژمێر 3ـی بەرەبەیانی ئەمڕۆی داناوە و نووسیویەتی، دوای زیاتر لە 19 کاتژمێری بەردەوام توانرا کاری چاکردنی بۆری هێڵی دوو ئاوی دوکان – سلێمانی تەواو بکرێت.

ئاماژەی بەوەشکردووە،  پاش کەمتر لە دوو کاتژمێری دیکە ئاو دەگاتەوە شاری سلێمانی و دەورووبەری.

دوێنێ شەممە 8.8.2026 بۆری ئاوی دوکان – سلێمانی هێڵی دوو لە ناوچەی قولەڕەیسی شکا و جگە لە گەڕەکەکانی سنووری قڕگە، وەک برایم ئەحمەد و سێتوان و کازێوە و کوردسات و راپەڕین و هەموو گەڕەکانی دەرەوەی شەستی، زۆربەی دانیشتووانی ئەڵایی و چەمچەماڵیش بێ ئاو بوون.