نرخی نەوت رووی لە دابەزین کردەوە

شۆڕش قادری

دوای بەرزبوونەوەی نرخی نەوت لە چەند رۆژی رابردوودا ئەمڕۆ جارێکی دیکە رووی لە دابەزین کردەوە و نرخی هەر بەرمیلێک هاتەوە خوار 80 دۆلار.

ئه‌مڕۆ دووشەممە‌ 22.6.2026 و لە کاتی کردنەوەی بازاڕی جیهانیی نەوت، نرخی یەک بەرمیل نەوتی خاوی برێنت بە 79.06 دۆلار دیاریکراوە و بەراورد بە چەند رۆژی رابردوو نرخەکەی بەڕێژەی 1.87٪ دابەزیوە.

هاوکات نرخی یەک بەرمیل نەوتی سووکی تەکساس بە 75 دۆلار و 35 سەنت مامەڵەی پێوە دەکرێت و ئەویش نرخەکەی بەڕێژەی 0.66٪ دابەزیوە.

ئەم دابەزینەی نرخی نەوت دوای ئەوە دێت کە دوێنێ دانیشتنی ئێران و ئەمریکا بە نێوەندگیری پاکستان لە سویسرا بەڕێوەچوو و بەپێی راپۆرتی میدیاکان هەردوولا لەسەر نەخشە رێگایەک بۆ گەیشتن بە رێککەوتنی کۆتایی لە 60 رۆژدا رێککەوتوون.