عێراق گەشتە ئاسمانییەکانى بۆ بەیروت راگرت

964+

وریا فەتاح

کۆمپانیای هێڵە ئاسمانییەکانی عێراق، ئەمڕۆ دووشەممە، راگرتنی سەرجەم گەشتە ئاسمانییەکانی بۆ بەیرووتی پایتەختی لوبنان راگرت و هۆکارەکەشی بۆ بارودۆخی ئەمنی ناوچەکە گەڕاندەوە.

کۆمپانیاکە لە راگەیەندراوێکی فەرمیدا رایگەیاندووە کە ئەم بڕیارە لە پێناو پاراستنی سەلامەتی گەشتیاران و هاوتەریب لەگەڵ رێنمایی و بڕیارەکانی تایبەت بە سەلامەتی گەشتە ئاسمانییەکان دراوە.

لە بەشێکی تری راگەیەندراوەکەدا هاتووە، دەستپێکردنەوەی گەشتەکان بۆ بەیرووت بەستراوەتەوە بە رەزامەندی شانەی قەیرانەکان و لایەنە پەیوەندیدارەکان.

ئاماژە بەوەش کراوە کە کاتی دەستپێکردنەوەی گەشتەکان لە رێگەی پەیج و کەناڵە فەرمییەکانی کۆمپانیاکەوە رادەگەیەنرێت.