پارێزگاری هەولێر دەڵێت؛ پلانی رۆژانی جەژنی قوربان بە سەرکەوتوویی جێبەجێکراوە

فەرهاد حەسەن

پارێزگاری هەولێر، بڵاویکردەوە ئەو پلانەی بۆ رۆژانی جەژنی قوربان دایاننابوو به‌ سه‌ركه‌وتوویی جێبه‌جێكراوە و لەماوەی رۆژانی جەژنیشدا  227 منداڵ بە شێوازی ئاسایی و نەشتەرگەری لەدایکبوونە.

لە هەرچوار رۆژی جەژنی قوربان 113 ئەفسەر و هەزار و 532 كارمەندی پۆلیس له‌ ئه‌ركدا بوون، ئەو رووداوانەی لە چوار رۆژەکە روویانداوە بریتی بوون لە سێ تاوانی كوشتن هه‌روه‌ها چه‌ند حاڵه‌تێكی شه‌ڕ و چوار حاڵه‌تی دزی كردنیش تۆمار كراون له‌گه‌ڵ چه‌ند رووداوێكی جۆراوجۆر .

لەبارەی گەشتوگوزاریشەوە، شاری هەولێر توانی پێشوازی لە 112 هەزار و 657 گەشتیار بکات، کە لە رێگای دەروازەکان هاتوون و سەردانی ناوچە گەشتیارییەکانیان کردبوو.

سەبارەت بە پلانی هاتوچۆش بۆ رۆژانی جەژن، بەهۆی پابەندنەبوونی شوفێران بە رێنمایی و یاساكانی هاتوچۆ و لێخوڕینی خێرا، چوار رووداوی هاتوچۆ روویان دا و لە ئەنجامیاندا یەک كەس بریندار بووە.

تەواوی بنكەكانی بەڕێوبەرایەتی بەرگریی شارستانی هەولێریش بۆ رۆژانی جەژن لە ئەركدا بوون، لەو ماویەشدا پێنج حاڵەتی ئاگركەوتنەوە لە ماڵی هاوڵاتیان و دوو ئاگرکەوتنەوەی ئۆتۆمبیل و سێ ئاگرکەوتنەوە لە دوکان و چێشتخانە 51 حالەتی سوتانی پوش و پاوان تۆمار کرانکە جگە لە زیانی مادی، هیچ زیانێكی گیانیان لێ نەكەوتووەتەوە.

تەواوی تیمە تەندروستی و نەخۆشخانەكانیش لە ئەركدا بوونە، ئاماری پێشکەشکردنی خزمەتگوزاری پزیشکی لە رۆژانی 26 تاوەکو 30.5.2026  لە هەردوو بەشی فریاکەوتنی رۆژئاوا و بەشی فریاکەوتنی نەخۆشخانەی رزگاریبریتی بووە لە سەردانی سێ هەزار و چوار هاوڵاتیان بۆ مەبەستی چارەسەر و 16 رووداوێس تۆمارکراون کە 137 یان هاتوچۆ و ماتۆڕسکیل و 134 حاڵەتی بەربوونەوە، 11  حاڵەتی گەستنی سەگ، 70 حاڵەتی سکچوون و رشانەوە، 17 حاڵەتی پێوەدانی مار و دووپشک و 35 حاڵەتی ژەهراوی بوون بەخۆراک تۆمارکراون.

لەلایەن سەنتەری بانکی خوێنیش 584 بوتڵ خوێن بۆ نەخۆشخانەکان دابین کراوە و 195 نەشتەرگەریش ئه‌نجامدراوه و هەر لەماوەی ئەم رۆژانەشدا 227 بە شێوازی ئاسایی و نەشتەرگەری لەدایکبوونە.