کانەیەکی خەڵووز لە چین تەقییەوە
82 كرێکار گیانیان لەدەست دا
+964
ئەرسەلان عەبدوڵا
ئاژانسی هەواڵی چین بڵاویکردەوە، 82 كرێکار لە کانەیەکی خەڵووز گیانیان لەدەست داوە و نۆ کرێکاری دیکەش بێسەروشوێنن.
سەرچاوەکە ئەمڕۆ شەممە بڵاویکردەوە، تەقینەوەی غاز لە کانەکە روویداوە، کە دەکەوێتە هەرێمی چانشی.
بەگوێرەی ئاژانسی شینخوا، 247 کرێکار لە کانەکە کاریان کردووە، 82یان گیانیان سپاردووە و هێشتا نۆ کەس بێسەروشوێنن.
بە گوێرەی ئاژانسەکە، سەرۆکی چین هاتووەتەسەر هێڵ و داوای مامەڵەیەکی دروست لەگەڵ رووداوەکە دەکات، هەروەها داواش دەکات بە پێی یاسا لێکۆڵینەوە لە هۆکاری رووداوەکە بکرێت.