لە شەقامی عەرەفەی کەرکوک
ئۆتۆمبێلێک وەرگەڕا و سووتا؛ چوار کەس بەسەختی برینداربوون
964+
کاروان ساڵحی – کەرکوک
لە شەقامی عەرەفەی کەرکوک ئۆتۆمبێلێک وەرگەڕا، ئۆتۆمبێلەکە سووتا و چوار کەس بەسەختی برینداربوون.
شایەتحاڵێکی رووداوەکە بە 964ـی وت، “ئۆتۆمبێلەکە لە جۆری نیسان ئاڵتیمایە، چوار کەسی تێدابووە، هەر چواریان بە سەختی برینداربوون و یەکێکیان باری تەندروستی زۆر خراپ بووە و گومان دەکەین گیانی لەدەستدابێ”.
ئاماژەی بەوەشکرد، خێرایی ئۆتۆمبێلەکە زۆر بووە و دوای ئەوەی لە تاسەیەکی سەر جادەکەی داوە، کۆنتڕۆڵی لەدەستداوە و خۆی بە چەند دارێکی نزیک شەقامەکەدا کێشاوە، چەند دارێکی شكاندووە و وەرگەڕاوە، دەستبەجێ ئاگری گرتووە و ئۆتۆمبێلەکە بە تەواوەتی سووتاوە.
پێداچوونەوە؛ شۆڕش قادری