توشبوویەکی ورە بەرزە؛ دووجار شێرپەنجەی داوە بەزەویدا

رازاو محەمەد – سلێمانی

رێکخراوی کوردستان هێڵس چالاکییەکی تایبەتی بۆ تووشبووانی شێرپەنجە و ئەو کەسانەی لەو نەخۆشییە چاکبوونەتەوە رێکخست و هەموویان بینەری فلمی ماڵی نەنە بوون.

پەیمان عەبدوڵا، کە بەشداربووی چالاکییەکە بوو، باسی لە ناوەڕۆکی فیلمەکە و کاریگەریی چالاکییە هاوبەشەکان لەسەر بەشداربووان و توشبووانی شێرپەنجە کرد.

ئەو وتی، دووجار توشی نەخۆشی شێرپەنجە بووە، بەڵام ئیرادە و وردە بەرزی وای کردووە هەردووجارەکە بەسەریدا زاڵ بێت، وە داوای کرد توشبووانی شێرپەنجە و بە تایبەت ژنان چواردەوریان چۆڵ بکرێ تا بە هێزەوە رووبەڕوی ببنەوە.

بەپێی قسەی بەشداربووان، ئەم جۆرە چالاکییانە، پشتگیری و دڵگرمی لەنێوان تووشبووان و چاکبووانەوەکاندا بەهێز دەکەن و یارمەتییان دەدەن بە ئەزموونەکانی یەکتر ئاشنا ببن و هەست بە تەنیایی نەکەن.

پێداچوونەوە: ئەحمەد مستەفا