عێراقچی وەڵامی سی ئای ئەی دەداتەوە

شانیا بێستون

عەباس عێراقچی وەزیری دەرەوەی ئێران، لە نوێترین بڵاوکراوەیدا لە تۆڕی کۆمەڵایەتی ئێکس، وەڵامی سی ئای ئەی داوەتەوە و پەیامێک ئاڕاستەی واشنتن دەکات.

عێراقچی، ئاماژەی بە هەنگاوەکانی شەوی رابردووی واشنتن کردووە و دەڵێت،” هەرکات چارەسەرێک بێتە سەر مێزی دانووستەکان، ئەمریکا بە سەرکێشییەکی سەربازی تێکیدەدات”.
عێراقچی گومانی لە واشنتن هەیە، کە نیازی هەبێت ئەمە وەک تاکتیکێکی فشارکردن لە تاران بەکاربهێنێت و ئاماژەی بەوەکرد،”ئێرانییەکان سەر بۆ فشار دانانێن”.

هاوکات عێراقچی لە پەراوێزی پەیامەکایدا، زانیارییەکانی (*) رەتدەکاتەوە و دەڵێت، کۆگا مووشەکییەکان و توانای سەکۆکانی هاویشتنی تاران لە ٪75ـنییە، بەڵکو لە ٪120ـە و ئامادەییان بۆ بەرگریکردن لە خاک و گەلەکەیان لە ٪1000ـە.

پەیامەکەی عێراقچی لە کاتێکدایە، ئاگربەستی نێوان ئێران و ئەمریکا پێیناوەتە مانگێک و شەوی رابردوو چەند جارێک هەردوولا هێرشیان کردە سەریەک، چاو سوورکردنەوە و هەڕەشەکان لەلایەن هەردوو وڵات بەردەوامی هەیە.