دەربەند لە پاشماوەی گەشتیاران پاککرایەوە

فەرمان مەلا حەسەن – رانیە

بەڕێوەبەرایەتی گەشتوگوزاری راپەڕین و بە هەماهەنگی لەگەڵ بەڕێوەبەرایەتی گشتی شارەوانییەکانی راپەڕین، کەمپەینێکی فراوانی پاککردنەوەیان بۆ دەربەند رێکخستووە و قۆڵیان لێ هەڵماڵیوە و ئەو ناوە پاک دەکەنەوە.

رێباز پیرۆت بەڕێوەبەری گەشتوگوزاری راپەڕین بە وەکالەت بە 964ـی وتی، “دەمانەوێت ژینگەی دەربەند بە جوانی بهێڵینەوە و پاکی بکەینەوە، چونکە بەداخەوە ژینگەکە لەلایەن گەشتیارانەوە پیس کراوە”.

سلێمان مەولود یەکێک لە ژینگەپارێزەکان بە 964ـی وت، خەڵک ژینگەی زۆر پیس کردووە، ئێمە دەبێت بەردەوام خەریکی پاککردنەوە بین و پێویستە ژینگە بپارێزن، شتەکانی خۆیان کۆبکەنەوە و بیبەنەوە ماڵ.

پێداچوونەوە: توانا نەقی