هاندەرەکە و یاریزانەکە فۆتۆ: سۆشیال میدیا
سزایه‌كی مێژوویی بۆ هانده‌رێكی وه‌رزشی
964+
ئەرسەلان عەبدوڵڵا
هانده‌رێكی وه‌رزشی له ئینگلته‌را به شێوه‌یه‌كی سه‌یر سزادرا، هه‌رچه‌نده ئه‌و له ماڵ بووه، به‌ڵام سێ ساڵ له چوونه یاریگه‌كان بێبه‌ش كرا.
هانده‌ره ئینگلیزییه‌كه، كه ناوی ئانتۆنیۆ نێڵه و ته‌مه‌نی 24 ساڵه، نامه‌یه‌كی ره‌گه‌زپه‌رستانه‌ی بۆ یاریزانی یانه‌ی برینتفۆرد “ئیڤان تۆنی” ناردووه، یاریزانه‌كه‌ش نامه‌كه‌ی له سۆشیال میدیا بڵاوكرده‌وه، به‌م هۆیه‌وه هانده‌ره‌كه سكاڵای له‌سه‌ر تۆمار كرا و دواتر له به‌رده‌م دادوه‌ر دانی به تاوانه‌كه‌یدا نا، هه‌روه‌ها به‌م هۆیه‌وه سێ ساڵ له چوونی بۆ یاریگه‌كان بێبه‌ش كرا، چوار مانگیش به زیندانیكردن سزا درا، به‌ڵام زیندانیكردنه‌كه جێبه‌جێ ناكرێت و دوو ساڵ ده‌خرێته ژێر چاودێرییه‌وه.
جگە لەوە، ئەم هاندەرە بۆی نییە بۆ بینینی یارییە نێودەوڵەتییەکانی هەڵبژاردەی ئینگلتەرا گەشت بکات.
ئه‌مە یه‌كه‌مجاره له مێژوودا سزایه‌كی وه‌ها سه‌یر به‌سه‌ر هانده‌رێكی وه‌رزشیدا بسه‌پێندرێت.