شەوى رابردوو چى روویدا؟
ئەگەرى دەستپێکردنەوەى شەڕ هەیە
964+
وریا فەتاح
بە قسەى میدیاى ئێرانى بێت، ئەمجارە ئەمریکا داواى ئاگربەستى کردووە، بەڵام ئێران وتویەتى دوو مانگ نادەم دەبێت لە یەک مانگدا هەموو شتێک یەکلایى ببێتەوە. لەولاوە ترەمپ دەڵێت: ئەگەرى دەستپێکردنەوەى هێرشەکان هەیە. لە رووبارى گەلى عەلى بەگیش تیمەکان سەرقاڵى گەڕانن بە دواى تەرمى ئەو منداڵانەى لە رووداوى کەوتنەناوەوەى ئۆتۆمبێلەکە بێسەروشوێن بوون.
بۆ ئەوەی لە هەواڵەکان دانەبڕێن کورت و پوخت هەموو ئەو رووداوانەی لە چەند کاتژمێری رابردوو روویانداوە لێرەدا بیزانن؛
📌گەڕانى تیمەکانى بەرگرى شارستانى و خۆبەخشان بەدواى تەرمى ئەو سێ منداڵەى لە رووداوەکەى رووبارى گەلى عەلى بەگ بێسەروشوێنن، بەردەوامە.
📌دواى چاوەڕوانییەکى زۆر، دواجار یانەى ئامەد سپۆر سەرکەوت بۆ سوپەرلیگى تورکیا و هاندەرانى ئەو یانەیەش دەستیان بە ئاهەنگێڕان کرد
📌 نیویۆرک تایمز بە گێڕانەوە لە بەرپرسانی ئێرانی: تا ئاگربەستی هەمیشەیی باس لە داهاتووی بەرنامە ئەتۆمییەکە ناکەین.
📌ئاژانسی بلومبێرگ لە زاری بەرپرسێکی باڵای ئێرانەوە: دەستمان کردووە بە کەمکردنەوەی ئاستی بەرهەمهێنانی نەوت.
📌ترەمپ: ئێران هێشتا باجێکی گەورەی پێویستی نەداوە لە بەرامبەر ئەوەی کە کردوویەتی.
📌فەرماندەی ناوەندی ئەمریکا (سێنتکۆم)، ئاماژەی بە سەردانی فەرماندە براد کووپەر کردووە، بۆ لای سەربازە ئەمرکییەکان لەسەر کەشتی ئێس ئێس تریپۆلی، کە لەدەریای عەرەبیدا جێگرکراوە.
📌ترەمپ:ئەگەری دەستپێکردنەوەی هێرشەکان بۆ سەر ئێران هەیە، گەمارۆدانی بەندەرەکانی ئێران “زۆر نەرمە”.
📌ترەمپ: بەمزووانە لێکۆڵینەوە لەو پلانە دەکەم کە ئێران ناردوویەتی.
📌میدیای ئێران: ئەمریکا داوای ئاگربەستی دوو مانگەی کردووە، بەڵام ئێران لە وەڵامدا وتوویەتی دەبێ لە یەک مانگێکدا هەموو شت یەکلایی ببێتەوە و لەبری درێژکردنەوەی ئاگربەست سەرنجمان لەسەر کۆتاییهێنان بە جەنگ بێت.
📌سوپای ئیسرائیل: هۆشداری چۆڵکردن دەداتە دانیشتووانی 11 گوند لە باشووری لوبنان، وەکو ئامادەکارییەک بۆ بۆردومانکردنیان.
📌کەشتییەکى نەوتی ئێران کە 1.9 ملیۆن بەرمیل نەوتی هەڵگرتبوو، توانی لە گەمارۆی دەریایی رزگاری بێت و گەیشتە رۆژهەڵاتی دوور.
📌بەهای تمەن دیسان دابەزی و هەر 100 دۆلارییەک 18 ملیۆن تمەنی تێپەڕاندووە.
