بەهۆی جەنگی ئێران 20 هاوڵاتی لە کوردستان شەهیدبوون و 123 کەسیش بریندارن
"بەشدار نەبووین و زۆرترین زیانمان بەرکەوتووە"
20 هاوڵاتی لە کوردستان شەهیدبوون و 123 کەسیش بریندارن
964+
شۆڕش قادری
هەرێمی کوردستان لە ریزبەندی یەکەمی ئەو وڵاتانە دایە کە بەشداری جەنگی ئێران نین و زۆرترین زیانیان بەرکەوتووە، لە ماوەی ئەو شەڕدا 20 هاوڵاتی شەهیدبوون و 123 کەسیش بریندارن.
بەپێی دوایین ئاماری فەرمی فەرمانگەی میدیای و زانیاری هەرێم، لە پارێزگای هەولێر 726 هاوڵاتی بەهۆی هێرشەکانەوە زیان بە ماڵ و خانوو و ئۆتۆمبێل و شوێنی کارەکانیان کەوتووە، لە پارێزگاکانی سلێمانی و هەڵەبجە لە 24 هێرش بۆ سەر شوێنی سڤیل و مەدەنی دەیان هاوڵاتی زەرەرمەند بوون، لە پارێزگای دهۆک زیاتر لە 13 جار هێرش کراوەتەسەر کۆمپانیای کەرتی تایبەت و زیان بە ماڵی هاوڵاتیان گەیشتووە.
لە ئیدارەی سەربەخۆی سۆرانیش 35 هاوڵاتی بەهۆی هێرشەکانەوە زیان بە ماڵ و خانوو، ئۆتۆمبێل و شوێنی کارەکانیان کەوتووە.
ئەمە سەرەڕای ئەوەی هەر لە سەرەتای سەرهەڵدانی جەنگەکەوە کە لە 28.2.2026 دەستیپێکرد، حکومەتی هەرێمی کوردستان بەئاشکرا رایگەیاند، بەشێک نییە لەو شەڕە و پەیوەندی بە ئێمەوە نییە.
بەگوێرەی ئامارەکە، هەموو رۆژێک زیاتر لە 15 درۆن و موشەک گیراوەتە هەرێمی کوردستان کە بەهۆیانەوە 20 هاوڵاتی شەهیدبوون و 123 کەسیش برینداربوون.
خشتەی ئاماری هێرشەکان بۆ سەر کۆردستان لە 28.2.2026 تا 20.4.2026 لە خوارەوە دانراوە؛
شەهیدبوونى ژمارەیەک هاوڵاتى بێتاوان و مەدەنى هەرێم، مایەى داخ و پەژارەیە
