لەدایکبووانی 2008 بۆ هەڵبژاردن تۆمار دەکرێن

ئەرسەلان عەبدوڵا

وتەبێژی کۆمسیۆنی باڵای سەربەخۆی هەڵبژاردنەکانی عێراق ئاشکرای کرد، لە 20.4.2026 تۆمارکردنی ناوی ئەو کەسانە دەستپێدەکات، کە لەدایکبووی 2008ن و تەمەنی یاساییان تەواو کردووە و بوونەتە 18 ساڵ، بەمەش بۆ هەڵبژاردنەکانی داهاتوو دەتوانن بەشداریی بکەن.

جومانە غەلای ئەمڕۆ یەکشەممە 12.4.2026 بە 964ی راگەیاند، لە رێگەی ئۆفیسەکانی کۆمیسۆن لە شارەکانی عێراق و هەرێمی کوردستان، تۆماری بایۆمەتری بۆ لەدایکبووانی ساڵی 2008دەکرێت، بۆ ئەوەی بەشداریی هەڵبژاردنەکانی داهاتوو بکەن.

وتیشی، بەپێی ئەو داتایانەی لە وەزارەتی بازرگانیی عێراق و تۆماری بایەعی وەرگیراون، ژمارەی لەدایکبووانی 2008 لە عێراق یەک ملیۆن و 120 هەزار و 314 دەنگدەرن، لە هەرێمی کوردستانیش 114 هەزار و 807 دەنگدەرن.

جومان غەلای دەڵێت، ئەنجومەنی کۆمسیاران رەزامەندی لەسەر تۆمارکردنی دەنگدەرانی نوێ لە لەدایکبووانی 2008 دەربڕیوە و بڕیاردراوە کارتی هەڵبژاردنیشیان بۆ چاپ بکرێت.