کۆمپانیا تورکییەکان چاویان بڕیوەتە سلێمانی

964+

دیلان محەمەد جەزا

ئەمڕۆ شاندێکی خاوەن کارگە و کۆمپانیاکانی یەکێتی پیاوانی خاوەنکاری تورکی – عێراقی کۆڕبەندێکیان ساز کرد، بەمەبەستی دروستکردنی پەیوەندی لە نێوان بازرگانانی ھەرێم و تورکیادا.

نەواف خیلج، سەرۆکی کۆمەڵەی کارساز و پیشەسازی تورکی – عێراقی بە 964ی راگەیاند، ئەمڕۆ 14.3.2023 لە شاری سلێمانین و دەیانەوێت چەندین کۆمپانیای تورکی بھێننە ھەرێمی کوردستان و بە تایبەت شاری سلێمانی، بۆ ئەوەی ھەماھەنگی درووست بکەن لەگەڵ بازرگانانی ھەرێمدا.

وتیشی، لە دنیای ئابوری ئەواندا ھەرێمی کوردستان و عێراق لە پلەی یەکەمدایە،   دەیانەوێت ئەو بۆشاییە بازرگانییەی لە ھەرێمی کوردستاندا ھەیە لە رووی بازرگانییەوە پڕی بکەنەوە.

باسی لەوەکرد، ئەمڕۆ 22 کۆمپانیای تورکی ھاتوون و بابەتەکانی خۆیان نمایش دەکەن بە ستانداردی جیھانی لە شاری سلێمانیدا.

ئەو کۆمپانیایانەی ئەمڕۆ نمایش کران لە بوارەکانی بیناسازی، خواردەمەنی، کشتوکاڵ، مۆبیلیات و دیکۆراتن.

پێداچوونەوە: توانا نەقی